دانځورونو لمنځه وړل:

دانځورونو لمنځه وړل:

Friday, 17 September, 2010

په کابل ولایت کې د ولسی جرګې نوماندان د خپلو انځورونو د څیرې کیدلو او یاهم د هغوی پرمخ د رنګ د شیندلو لپاره خواشینی دی او سرټکوی دوی وایی چې چارواکو په دې اړه هیڅ هم نه دی کړی

د کابل ولایت څخه د ولسی جرګې نوماند عصمت قانع چې د شنبې د ورځې په ټاکنو کې د بریالیتوب هیله لری وایی چې ځینی کسان یی د انځورونو د څیرې کولو پرمهال نیولی او پولیسو ته یی سپارلی دی خو بیرته خوشی شوی دی

ملالۍ اسحق زی بیا وایی چې دویم ځل دی چې د ولسی جرګې لپاره نومانده شوی او په دواړو ځلو کې له ستونزو سره لاس او ګریوان ده خو دا لومړی ځل دی چې د نوموړې انځورونه څیرې کیږی .

پولیسو نوماندانو ته ویلی چې دوی دومره  ځواکونه نه لری چې د دوی انځورونو وساتی

د کورنیو چارو وزارت ویاند زمری بشری وایی چې دوی سره هم دا اندیښنه شته او په دې تړاو یی ځینی کسان نیولی هم دی.

Afghanistan
Elections
Support our journalists