Institute for War and Peace Reporting | Giving Voice, Driving Change

د ځوانانو مناظره: پر حکومتي چارواکو د نوماندانو د ملاتړ بنديز

By Mohammad Faisal Nawid

 

 

 

    

 

په افغانستان کې د محمد فيصل نويد ليکنه

د آی ډبليو پي آر له خوا په يوې رابلل شوې مناظرې کې واورېدل شول، پر حکومتي کارکوونکو بنديز لگېدلی چې د ټاکنو په کمپاين کې به د کوم نوماند ملاتړ نه کوي. د سرغړونې په صورت کې به تر عدلي تعقيب لاندې ونيول شي.  

د ټاکنو د خپلواک کميسون د حقوقو د څانگې مشر، جعفرعلي نوري د فبرورۍ په شلمه نېټه د محصلانو يوې غونډې ته وويل، د  حکومتي کارکوونکو له خوا  د کوم نوماند په گټه د رايه ورکوونکو د ملاتړ د جلبولو لپاره د هر خوځښت په وړاندې جدي گام پورته کيږي.

د افغانستان د ټاکنو د قانون اوومه ماده وايي، دولتي چارواکي، د حکومت او موسساتو کارکوونکي او متنفذو شخصيتونه "دې په مستقيم يا غير مستقيم ډول د ټاکنو په چارو کې لاسوهنه  نه کوي."  

نوموړی قانون زياتوي: "د کوم نوماند په گټه يا خلاف په دولت پورې د اړوندو وسايلو، تاسيساتو او سرچينو کارول جواز نه لري، مگر دا چې ټولو نوماندانو ته  د هغې د کارولو  برابر حق ورکړل شي."

د افغانستان د بشري حقونو د خپلواک کميسون پخواني غړي، فريد حکيم وويل، په ٢٠١٠ کال قانون کې په څرگنده ويل شوې چې حکومتي ادارې د ټاکنو په بهير کې له لاسوهنې او نفوذ څخه منع دي.

د مناظرې د جوړېدو په ځای، د کابل د ابن سينا د انستيتوت محصل، لطف علي وپوښتل، که کوم چارواکي له قانون څخه سرغړونه وکړه، نو څه به ورسره وشي.

نوري په ځواب کې وويل: "که د حکومتي لوړپوړو چارواکو په گډون، چا د ټاکنو له قانون څخه سرغړونه وکړه، تر تعقيب لاندې نيول کيږي."

محمد فيص نويد د کابل پوهنتون محصل او د آی ډبليو پي آر تر روزنې لاندې خبريال دی.

دا رپوټ د آزاد فکر: خبرې وکړئ، لاسته يې راوړئ د آی ډبليو پي آر د نوښت له مخې په کابل کې د امريکا د متحده ايالتونو د سفارت په مالي مرسته په افغاني ټاکنو کې د پوهنتون او ځوانانو د گډون د پراختيا د پروگرام د يوې برخې په توگه چمتو شوی دی.

As coronavirus sweeps the globe, IWPR’s network of local reporters, activists and analysts are examining the economic, social and political impact of this era-defining pandemic.

VIEW FOCUS PAGE >

Also in This Issue

ARR Issue 478