Ўзбекистонда Америка киноси фестивали бўлиб ўтди
Ўзбекистонда Америка киноси фестивали бўлиб ўтди
, дея қайд этадилар NBCA шарҳловчилари.
14-16 январь кунлари Тошкентда Америка Қўшма Штатларининг Ўзбекистондаги элчихонаси кўмагида Америка киноси фестивали бўлиб ўтди.
Кинофестиваль Ўзбекистон-Америка муносабатларининг ўн олти йиллик тарихи давомида илк бор ўтказилди. Бу муносабатлар 2005 йилда Вашингтоннинг Ўзбекистон расмийлари томонидан Андижон воқеалари давомида халқ норозилиги намойишларини шавқатсиз равишда бостирганини қоралаб, бўлиб ўтган воқеа борасида мустақил текширув ўтказишни талаб қилганидан кейин ёмонлашиб қолган эди.
Шундан кейин мамлакатдан кўплаб америка ташкилотлари ҳайдаб чиқарилди, маданий тадбирлар тақиқ остига олинди, АҚШ ишлаб чиқарган кинофильмлар эса прокатга чиқарилмай қўйилди.
2008 йил январида, президент Ислом Каримов учинчи муддатга қайта сайланиб расман ўз лавозимини бажаришга киришганидан кейин икки мамлакат ўртасида маданият соҳасидаги ҳамкорлик сезиларли даражада фаоллашиб қолди.
2008 йил августида эса биродарлашган икки шаҳар – Сиэтл ва Тошкент ўртасида муносабатлар ўрнатилганининг 35 йиллиги нишонланди ва Ўзбекистон матбуотида кенг ёритилди.
Тошкентдаги NBCA шарҳловчиларининг айтишларича, Америка киносининг уч кунлик кинофестивали томошабинларда катта қизиқиш уйғотди ва томоша залларига минглаб кинотомошабинлар тўпландилар. Уларнинг эътиборларига жаҳонда кенг танилган картиналар тақдим этилди.
Булар – учта «Оскар» мукофотига сазавор бўлган ва бош ролларни Грегори Пек ва Одри Хепбёрн ижро этган «Рим таътиллари», ўнта «Оскар» мукофотига сазавор бўлган ва бош ролни Натали Вуд ижро этган «Вестсайд тарихи», бош қаҳрамонни Жон Уэйн ижро этган «Қидирувчилар» ва жаҳон анимация тарихида янги даврга асос солган «Ўйинчоқлар тарихи» кинофильмларидир.
Барча фильмлар асл нусха тилида намойиш этилди.
Киношунос Гуландом Мирзоевага кўра, у Ўзбекистон маданий ҳаётида шунчалик муҳим бўлган тадбирда иштирок этиш учун атайлаб мамлакат марказида жойлашган Самарқанд вилоятининг маъмурий марказидан Тошкентга келди.
«Америка ва жаҳон кинематографининг тикланиш даврида суратга олинган танланган, сара киноларнинг оддий томошабинларга етиб бориши осон бўлмай қолди, шунинг учун ҳам фильмларни кўриш учун бу имкониятдан фойдаланиш керак», - дейди Мирзоева.
Бошқа томошабин аёл эса икки мамлакат ўртасида “мавжуд тушунмовчиликлар”га қарамай, Америка киноси фестивали Тошкентда ўтаётганига хурсандлигини изҳор этди.
«Бу [тадбир] бизнинг мамлакатимиз ва АҚШ ўртасидаги яхши муносабатларнинг тикланишига туртки бўлиб қолади», - дейди у.
(NBCA [Марказий Осиё янгиликлар маълумотномаси] – IWPRнинг Марказий Осиё мамлакатлари бўйича янгиликлар таҳлили ва шарҳларининг кўп тилли хизматини ташкил этиш лойиҳаси бўлиб, унда бутун минтақа шарҳловчилари иштирок этадилар. Лойиҳа 2006 йилнинг августидан 2007 йил сентябригача минтақанинг бешта мамлакатларида амалга оширилган. NBCA янги молиялаштириш билан Ўзбекистон ва Туркманистондаги воқеаларни яна ёритишни бошламоқда).
14-16 январь кунлари Тошкентда Америка Қўшма Штатларининг Ўзбекистондаги элчихонаси кўмагида Америка киноси фестивали бўлиб ўтди.
Кинофестиваль Ўзбекистон-Америка муносабатларининг ўн олти йиллик тарихи давомида илк бор ўтказилди. Бу муносабатлар 2005 йилда Вашингтоннинг Ўзбекистон расмийлари томонидан Андижон воқеалари давомида халқ норозилиги намойишларини шавқатсиз равишда бостирганини қоралаб, бўлиб ўтган воқеа борасида мустақил текширув ўтказишни талаб қилганидан кейин ёмонлашиб қолган эди.
Шундан кейин мамлакатдан кўплаб америка ташкилотлари ҳайдаб чиқарилди, маданий тадбирлар тақиқ остига олинди, АҚШ ишлаб чиқарган кинофильмлар эса прокатга чиқарилмай қўйилди.
2008 йил январида, президент Ислом Каримов учинчи муддатга қайта сайланиб расман ўз лавозимини бажаришга киришганидан кейин икки мамлакат ўртасида маданият соҳасидаги ҳамкорлик сезиларли даражада фаоллашиб қолди.
2008 йил августида эса биродарлашган икки шаҳар – Сиэтл ва Тошкент ўртасида муносабатлар ўрнатилганининг 35 йиллиги нишонланди ва Ўзбекистон матбуотида кенг ёритилди.
Тошкентдаги NBCA шарҳловчиларининг айтишларича, Америка киносининг уч кунлик кинофестивали томошабинларда катта қизиқиш уйғотди ва томоша залларига минглаб кинотомошабинлар тўпландилар. Уларнинг эътиборларига жаҳонда кенг танилган картиналар тақдим этилди.
Булар – учта «Оскар» мукофотига сазавор бўлган ва бош ролларни Грегори Пек ва Одри Хепбёрн ижро этган «Рим таътиллари», ўнта «Оскар» мукофотига сазавор бўлган ва бош ролни Натали Вуд ижро этган «Вестсайд тарихи», бош қаҳрамонни Жон Уэйн ижро этган «Қидирувчилар» ва жаҳон анимация тарихида янги даврга асос солган «Ўйинчоқлар тарихи» кинофильмларидир.
Барча фильмлар асл нусха тилида намойиш этилди.
Киношунос Гуландом Мирзоевага кўра, у Ўзбекистон маданий ҳаётида шунчалик муҳим бўлган тадбирда иштирок этиш учун атайлаб мамлакат марказида жойлашган Самарқанд вилоятининг маъмурий марказидан Тошкентга келди.
«Америка ва жаҳон кинематографининг тикланиш даврида суратга олинган танланган, сара киноларнинг оддий томошабинларга етиб бориши осон бўлмай қолди, шунинг учун ҳам фильмларни кўриш учун бу имкониятдан фойдаланиш керак», - дейди Мирзоева.
Бошқа томошабин аёл эса икки мамлакат ўртасида “мавжуд тушунмовчиликлар”га қарамай, Америка киноси фестивали Тошкентда ўтаётганига хурсандлигини изҳор этди.
«Бу [тадбир] бизнинг мамлакатимиз ва АҚШ ўртасидаги яхши муносабатларнинг тикланишига туртки бўлиб қолади», - дейди у.
(NBCA [Марказий Осиё янгиликлар маълумотномаси] – IWPRнинг Марказий Осиё мамлакатлари бўйича янгиликлар таҳлили ва шарҳларининг кўп тилли хизматини ташкил этиш лойиҳаси бўлиб, унда бутун минтақа шарҳловчилари иштирок этадилар. Лойиҳа 2006 йилнинг августидан 2007 йил сентябригача минтақанинг бешта мамлакатларида амалга оширилган. NBCA янги молиялаштириш билан Ўзбекистон ва Туркманистондаги воқеаларни яна ёритишни бошламоқда).
