په يوه ولايت کې فرهگي ميراث له منځه تلونکی دی
په يوه ولايت کې فرهگي ميراث له منځه تلونکی دی
په افغانستان کې د حامد احمدزي ليکنه
مبارزه کوونکي وايي په گرديز کې يوې غونډۍ ته څېرمه کلا د ډېرو سيمو له ډلې څخه يوه سيمه ده چې په پکتيا ولايت کې ورته د ورانولو اجازه ورکړ شوې ده.
د بالاحصار کلا ودانولو او ترميم ته سخته اړتيا لري، په داسې حال کې چې شاوخوا يې نوې ودانۍ جوړيږي او په دې توگه له زيات خطر سره مخامخ ده. (وگورئ: د افغانستان د منځنيو پېړيو تاريخي کلا د نړېدو له گواښ سره مخامخ ده.)
د سراب په نامه د ځايي ورځپاڼې مشر وويل: "کورونه تر دې کچې د غونډۍ د پاسه لوړ جوړ شوي چې دېوالونه يې يوازې يو متر د نوموړي کلا له ديوالونو څخه لرې دي. حکومت بايد دې ته پام وکړي، که نه، دا تاريخي کلا به ورانه شي."
د پکتيا د ولايتي شورا مرستيال، علمير ځاځی وايي د بالاحصار د ساتلو په موخه منډې رامنډې وهل شوې، خو نتيجه يې نه ده ورکړې.
په پکتيا کې يو شمير ليکوال او د مدني ټولنې فعالان وايي په دې ولايت کې نورې ثبت شوې ٣٥ تاريخي سيمې له دې امله له خطر سره مخامخ دي چې حکومت يې پرخپل مهال د ساتنې او څارنې کارونه پر مخ نه دي وړي.
حامد احمدزی په پکتيا ولايت کې د آی ډبلايو پي آر روزل شوی خبريال دی.
