Institute for War and Peace Reporting | Giving Voice, Driving Change

افغانان د ټاکنيز نظام اصلاح غواړي

د آی ډبليو پي آر د مناظرو د وروستيو لړيو د ويناوالو د وينا له مخې ډېر سخت او جدي کار ته اړتيا ليدل کيږي چې د راتلونکو پارلماني ټولټاکنو دمخه په ټاکنيز نظام کې سمون راوستل شي.
By IWPR Afghanistan

 

د افغانستان د اساسي قانون له مخې ښايي د پارلمان د ټاکلې مودې له پای ته رسېدو ٣٠ - ٦٠ ورځې دمخه نوې ټاکنې سرته ورسيږي. د اوسني قانون جوړوونکي ارگان ټاکلې موده د جون د مياشتې پر ٢٢ نېټه پای ته رسېدلې. ولسمشر محمد اشرف غني د يو فرمان له مخې د پارلمان اوسنۍ موده د رايو ورکولو تر مودې پورې وغځوله. 

کارپوهانو په هغو مناظرو کې، چې د آی ډبليو پي آر له خوا د اگست په مياشت کې د زابل، پکتيا او لوگر په ولايتونو کې جوړې شوې وې، وويل، د ټاکنيزو اصلاحاتو کميسون ته پکار ده چې د رايو ورکولو د سيستم جوړښت گړندی کړي.

د لوگر ولايت د ځوانانو د چارو رئيس، محمد کاظم ابراهيم زاده د مناظرې برخوالو ته وويل، موجود حکومت د ټاکيزو اصلاحاتو کميسون رامنځته کړ ترڅو ټاکنيز نظام شفاف شي.

د ټاکنيزو اصلاحاتو کميسون په ټاکنيز نظام کې د سترو بدلونونو د راوستلو لپاره له خلکو سره سلا مشورې کړې دي.

د زابل ولايت د سور غر د مدني ټولنې مشر، محمد ابراهيم عبرت وويل: «يو شمېر وړ کسان د ټاکينز نظام د اصلاح په کميسون کې گورمال شوي. که هغوی په صداقت کار وکړي، هيله ده په ټاکنيز سيستم کې به اصلاحات رامنځته شي.»

د زابل د والي سلاکار، احمدخالد ساپي وويل، د ټاکنيز نظام د اصلاح کميسون دا واک لري چې بدلون راولي.

هغه وويل: «د کميسون د رامنځته کولولامل د ټاکنيز ميکانيزم سمون او دې اندېښنو ته غبرگون و چې خلک يې د رايو ورکولو پر بهير بې باوره کړي وو.»

په زابل کې د افغانستان د ازادو او عادلانه ټاکنو د بنسټ [فيفا] روزونکي، شفيع الله محمدي په ټينگار سره وويل، سمون ډېر اړين دی، ترڅو د درغليو او هغو پراخو اوازو مخه ونيول شي چې تېرې ټاکنې يې تر سيورې لاندې راوستې وې. 

د مدني ټولنې يوه فعال، شفيع الله افغانزي وويل، د تابعيت د پېژندپاڼو وېش له دې بهير سره مرسته کولای شي.

افغانزي وويل: «پر ټاکنيز نظام د خلکو بې باوري زياتيږي. که د تابعيت د پېژندپاڼو د وېش کار گړندی شي او په سم ډول ووېشل شي، دا ستونزه به تر ډېره برېده هواره شي.»

په پکتيا کې د ټاکنو د خپلواک کميسون د عامه پوهاوي مشر، شېرعلي فيضي وويل، د ټاکنيز نظام د اصلاح کميسون يوازې سپارښتنې وړاندې کولای شي. د ريفورم د تطبيق مسؤوليت د حکومت په غاړه دی. 

په پکتيا کې د فيفا مشر، احسان الله حميدي وويل، د ټاکنيز نظام د اصلاح ١٤ تنه کميشنران نشي کولای پخپله د کره کتنې په سر کې ځای ولري، خو د مدني ټولنې فعال، لمر نيازي گوته وڅنډله، که هغه د ستونزې د هوارۍ د کومې لارې سپارښتنه وکړي، ښايي دوام ونه کړي.

په ورته وخت کې د ولايتي شورا غړي، جنت خان څمکني وويل، په لومړي گام کې اصلاحاتو ته اړتيا نشته. هغه وويل، اوسني نظام بيخي د منلو وړ دی، خو د ټاکنو د خپلواک کميسون دننه پرې سترگې پټې شوې. 

 

As coronavirus sweeps the globe, IWPR’s network of local reporters, activists and analysts are examining the economic, social and political impact of this era-defining pandemic.

VIEW FOCUS PAGE >